శ్రీ మాణిక్యాంబా సమేత భీమేశ్వరస్వామి – వేములవాడ

ఆరుద్ర నక్షత్రం – తృతీయ చరణం

ఈ క్షేతము కాకినాడ – రామచంద్రాపురం ప్రధాన రహదారిపై కరప గ్రామం దాటిన తరువాత వచ్చును. అయితే ఆలయం చేరుటకు బస్సు స్టాపు నుంచి సుమారు కిలోమీటరు దూరం వెళ్ళవలెను. ఆలయం దాదాపు గ్రామ శివారున కలదు. ఆరుద్ర నక్షత్రం మూడవ పాదమునకు చెందినవారు ఈ ఆలయ సహిత మాణిక్యంబా సమేత భీమేశ్వరస్వామివారి దర్శన, అర్చన మరియు అభిషేకము వలన విశేష ఫలితములను పొందగలరని భక్తుల విశ్వాసము. పురాతనమైన ఈ క్షేతమునందు ఆలయము మరియు శివలింగము 1995వ సంవత్సరమున పునర్నిర్మించబడి పునఃప్రతిష్ఠ జరిగినది.

ఈ ఆలయమునందు శ్రీమాణిక్యాంబాదేవి,, శ్రీ లక్ష్మీసమేత నారాయణులు, స్వామి అయ్యప్పల ఉపాలయములు కలవు. ఆలయము వెలుపల ఆంజనేయస్వామివారి విగ్రహము కలదు. ఈ గ్రామమున ఈ ఆలయము కాక శ్రీ వెంకటేశ్వరస్వామి ఆలయము మరియు శ్రీ కోదండరామ స్వామివారి ఆలయము కలవు.స్వామివారి దివ్య కళ్యాణోత్సవము జ్యేష్ఠ శుద్ధ ఏకాదశి రోజున జరుగును. ఇంకా శరన్నవరాత్రులు, సుబ్రహ్మణ్యషష్ఠి మరియు అయ్యప్ప పూజలు వైభవంగా నిర్వహించబడును.